दापोली : सह्याद्री शिक्षण संस्थेच्या न्यू इंग्लिश स्कूल अँड ज्युनिअर कॉलेज, टाळसुरे येथील विद्यार्थ्यांनी NMMS (राष्ट्रीय आर्थिक दुर्बल घटक शिष्यवृत्ती) परीक्षेत उल्लेखनीय यश संपादन केले आहे. या परीक्षेत शाळेतील तब्बल १९ विद्यार्थ्यांनी यश मिळवून शाळेचा नावलौकिक वाढवला आहे.

ग्रामीण भागातील विद्यार्थ्यांनी कठोर परिश्रम, जिद्द आणि सातत्यपूर्ण अभ्यासाच्या जोरावर ही कामगिरी साध्य केली आहे. विद्यार्थ्यांच्या या यशाबद्दल शाळा व्यवस्थापन, शिक्षकवर्ग तसेच पालकांनी त्यांचे हार्दिक अभिनंदन केले आहे.

या यशामागे शाळेतील मार्गदर्शक शिक्षकांचे मोलाचे मार्गदर्शन लाभले. योग्य नियोजन आणि सातत्यपूर्ण सराव यामुळे विद्यार्थ्यांनी NMMS सारख्या स्पर्धात्मक परीक्षेत उत्कृष्ट कामगिरी केली.

विद्यार्थ्यांच्या या उल्लेखनीय यशामुळे टाळसुरे परिसरात आनंदाचे वातावरण निर्माण झाले असून शाळेच्या शैक्षणिक गुणवत्तेची पुन्हा एकदा प्रचिती आली आहे.