दापोली : सायकलिंग संस्कृतीला चालना देण्यासाठी आणि आरोग्यदायी जीवनशैलीचा संदेश देण्यासाठी दापोली सायकलिंग क्लबतर्फे ९ व १० मे २०२६ रोजी ‘दापोली समर सायक्लोथॉन २०२६ – सिझन ९’ या भव्य स्पर्धेचे आयोजन करण्यात आले आहे. ही स्पर्धा सोहनी विद्यामंदिर मैदान, दापोली येथे पार पडणार असून राज्यभरातून अनेक सायकलस्वार कुटुंबासह सहभागी होणार आहेत.

स्पर्धेत १ ते २०० किमी अंतराचे विविध गट ठेवण्यात आले असून यात ५० किमी कोस्टल सिनिक रूट, ४ ते २०० किमी शॉर्ट सिटी लूप आणि १ व २ किमी फन राईड अशा प्रकारांचा समावेश आहे. प्रत्येक स्पर्धकाला आकर्षक मेडल व प्रमाणपत्र देऊन गौरवण्यात येणार आहे.

स्थानिक स्पर्धकांसाठी विशेष प्रोत्साहन म्हणून शॉर्ट सिटी लूपमध्ये ७५ ते २०० किमी अंतर पूर्ण करणाऱ्या दापोली व मंडणगड तालुक्यातील सायकलस्वारांना ₹३०० ते ₹८०० पर्यंत रोख बक्षिसे दिली जाणार आहेत. याशिवाय काही खास बक्षिसांचीही घोषणा करण्यात आली आहे.

५० किमी कोस्टल रूट हा विशेष आकर्षण ठरणार असून हा मार्ग सोहनी विद्यामंदिर – आसूद – सालदुरे – पाळंदे – बायपास रोड – आंजर्ले पूल – अडखळ – पाजपंढरी – हर्णै – दापोली असा निसर्गरम्य समुद्रकिनाऱ्यालगत जाणार आहे. स्पर्धकांच्या सुरक्षिततेसाठी मार्गावर स्वयंसेवक, पाणी, फळे, स्नॅक्स, बॅकअप टेम्पो आणि वैद्यकीय सुविधा उपलब्ध असणार आहेत.

फन राईड पूर्णपणे विनामूल्य असून इतर सर्व स्पर्धांसाठी आगाऊ नोंदणी आवश्यक आहे. इच्छुकांनी ऑनलाईन नोंदणीसाठी

👉 https://www.townscript.com/e/dsc9⁠�

या लिंकचा वापर करावा.

अधिक माहितीसाठी संपर्क : ८६५५८७४४८६ / ८७६७२८५८२७ / ९०२८७४१५९५

स्पर्धेत सहभागी होण्यासाठी आतापासूनच सराव सुरू करून कुटुंबियांसह मोठ्या संख्येने उपस्थित राहण्याचे आवाहन आयोजकांनी केले आहे.