प्रतिनिधी – दापोली गावरई

दापोली : महामानवांच्या विचारांचा जागर, सामाजिक प्रबोधन आणि सुरेल कव्वालीचा थरार अनुभवण्याची सुवर्णसंधी आता दापोली तालुक्यातील गावरई येथे मिळणार आहे. बौद्धजन सेवा संघ (मुंबई) ता. दापोली शाखा क्र. ११, मौजे गावरई शाखा, ग्रामीण व मुंबई भावकी तसेच प्रबुद्ध महिला मंडळ यांच्या संयुक्त विद्यमाने तथागत भगवान गौतम बुद्ध, बहुजन प्रतिपालक छत्रपती शिवाजी महाराज, सत्यशोधक समाजाचे संस्थापक महात्मा जोतिबा फुले आणि भारतरत्न डॉ. बाबासाहेब आंबेडकर यांच्या संयुक्त जयंती महोत्सवानिमित्त भव्य प्रबोधनात्मक कव्वाली सामन्याचे आयोजन करण्यात आले आहे.

या कार्यक्रमाचे मुख्य आकर्षण म्हणजे मुंबईतील दोन नामांकित कव्वाली संचांमध्ये रंगणारा जंगी सामना.

🔥 आयु. नंदकुमार पवार व पार्टी, मुंबई

विरुद्ध

🔥 आयुष्मती तेजल जाधव व पार्टी, मुंबई

या दोन दमदार संचांच्या सुरेल सादरीकरणामुळे गावरई परिसरात सांस्कृतिक आणि प्रबोधनात्मक वातावरण निर्माण होणार असून, रसिकांसाठी ही पर्वणी ठरणार आहे.

हा भव्य कार्यक्रम शुक्रवार, दि. १३ मे २०२६ रोजी रात्री ठीक १० वाजता बौद्धवाडी, मु. गांवरई, पो. नानटे, ता. दापोली येथे आयोजित करण्यात आला आहे. कार्यक्रमासाठी परिसरातील नागरिकांमध्ये उत्साहाचे वातावरण असून, आयोजकांकडून जय्यत तयारी सुरू आहे.

कार्यक्रमाच्या माध्यमातून महामानवांच्या विचारांचा प्रचार-प्रसार करत सामाजिक एकोपा आणि बंधुभावाचा संदेश दिला जाणार आहे. कव्वालीच्या माध्यमातून सामाजिक प्रबोधनाची अनोखी मेजवानी अनुभवण्यासाठी नागरिकांनी मोठ्या संख्येने उपस्थित राहावे, असे आवाहन आयोजकांनी केले आहे.

🗣️ प्रतिक्रिया :

“महामानवांच्या विचारांना कला आणि संस्कृतीची जोड देत समाजप्रबोधन करण्याचा आमचा प्रयत्न आहे. गावरईमध्ये प्रथमच एवढ्या मोठ्या प्रमाणात कव्वालीचा सामना आयोजित केला असून, नागरिकांनी या ऐतिहासिक सोहळ्याला उत्स्फूर्त प्रतिसाद द्यावा,” अशी प्रतिक्रिया आयोजक मंडळाच्या वतीने व्यक्त करण्यात आली.

“आजच्या तरुण पिढीपर्यंत बुद्ध, फुले, शाहू, आंबेडकर आणि छत्रपती शिवाजी महाराजांचे विचार पोहोचवण्यासाठी असे सांस्कृतिक उपक्रम अत्यंत महत्त्वाचे आहेत,” असे मत स्थानिक नागरिकांनी व्यक्त केले.