◾ दापोली :- दशानेमा गुजर युवक संघटना, दापोली यांच्या वतीने दि. ८, ९ आणि १० मे २०२६ रोजी तीन दिवसीय ‘सृजन कलोत्सव’चे आयोजन करण्यात आले आहे. विद्यार्थ्यांच्या सर्वांगीण विकासाला चालना देण्याच्या उद्देशाने हे विशेष शिबिर आयोजित करण्यात आले आहे.

या उपक्रमात सहभागी विद्यार्थ्यांना विविध कलागुणांचे प्रशिक्षण दिले जाणार असून यात मातीकाम, चित्रकला, व्यक्तिमत्व विकास, योग प्रशिक्षण, ओरिगामी, कागदाची फुले बनवणे तसेच विविध मैदानी खेळांचा समावेश आहे. मुलांमध्ये सर्जनशीलता, शारीरिक व मानसिक विकास वाढवण्यासाठी हे शिबिर उपयुक्त ठरणार असल्याचे आयोजकांनी सांगितले.

गतवर्षी मिळालेल्या उत्स्फूर्त प्रतिसादानंतर यंदाही मोठ्या प्रमाणात विद्यार्थ्यांचा सहभाग अपेक्षित आहे. त्यामुळे हे शिबिर विद्यार्थ्यांसाठी मार्गदर्शक आणि प्रेरणादायी ठरेल, असा विश्वास आयोजकांनी व्यक्त केला आहे.

या शिबिरासाठी प्रवेश मर्यादित असून इच्छुकांनी पाल्याचे नाव, इयत्ता, शाळेचे नाव आणि पालकांचा मोबाईल नंबर देऊन तातडीने नोंदणी करावी, असे आवाहन करण्यात आले आहे.

अधिक माहितीसाठी ऋषिकेश शेठ (७५०७५६६४६४), साहिल बुटाला (७७०९०१८९३९) किंवा सार्थक बुटाला (७३८६२८४१८१) यांच्याशी संपर्क साधता येईल.