दापोली (प्रतिनिधी):

दापोली येथे एका २३ वर्षीय तरुणाने हॉटेलच्या खोलीत आत्महत्या केल्याची धक्कादायक घटना घडली आहे. या घटनेमुळे परिसरात एकच खळबळ उडाली असून पोलिसांकडून तपास सुरू आहे.

मिळालेल्या माहितीनुसार, श्रवण निनाद ठाकुरदेसाई (रा. डोंबिवली ईस्ट) हा तरुण आपल्या कुटुंबासोबत दापोली येथे फिरण्यासाठी आला होता. रविवार, २६ एप्रिल रोजी सायंकाळी सुमारे ५:१० वाजण्याच्या सुमारास ही घटना घडली.

तरुणाच्या आईला तो हॉटेल रूममध्ये आढळून आला नाही म्हणून शोध घेतला असता ही घटना उघडकीस आली. त्यानंतर कुटुंबीयांनी तातडीने मदत मागवून त्याला खाली उतरवले आणि तात्काळ दापोली उपजिल्हा रुग्णालयात दाखल केले. मात्र, डॉक्टरांनी सायंकाळी सुमारे ६:३० वाजता त्याला मृत घोषित केले.

घटनेची माहिती मिळताच दापोली पोलिसांनी घटनास्थळी धाव घेऊन पंचनामा केला आहे. या प्रकरणी आकस्मिक मृत्यूची नोंद करण्यात आली असून पुढील तपास सुरू आहे.

या तरुणाने इतके टोकाचे पाऊल का उचलले, याचे कारण अद्याप स्पष्ट झालेले नाही. पोलिसांकडून घटनेचा सखोल तपास सुरू आहे.