◾ दापोली :

दापोली नगरपंचायतीच्या नगरसेविका तथा राष्ट्रवादी काँग्रेसच्या महिला जिल्हाध्यक्षा सौ. साधना बोत्रे यांच्या वतीने कामगार दिनाचे औचित्य साधत नगरपंचायत कर्मचाऱ्यांना थर्मल वॉटर बॉटलचे वाटप करण्यात आले.

१ मे रोजी साजऱ्या होणाऱ्या कामगार दिनानिमित्त दापोली नगरपंचायत कार्यालयातील सर्व कर्मचाऱ्यांना स्टीलच्या थर्मल बॉटलचे वाटप करण्यात आले. राष्ट्रवादी काँग्रेसचे नेते अजितदादा पवार यांच्या स्मरणार्थ हा उपक्रम राबवण्यात आला.

या उपक्रमामागे पर्यावरण संरक्षण, आरोग्याची काळजी तसेच प्लास्टिक बॉटलच्या वापरात कपात करणे हा उद्देश असल्याचे सौ. साधना बोत्रे यांनी सांगितले. एकाच वेळी सामाजिक बांधिलकी जपत कर्मचाऱ्यांच्या आरोग्याची काळजी घेण्याचा प्रयत्न या उपक्रमातून करण्यात आला आहे.

नगरपंचायत कर्मचाऱ्यांनी या उपक्रमाचे स्वागत करत समाधान व्यक्त केले. कार्यक्रमावेळी नगरपंचायत परिसरात सौहार्दपूर्ण वातावरण पाहायला मिळाले.