खेड (प्रतिनिधी):

तालुक्यातील वेरळ येथे मुंबई-गोवा महामार्गालगतच्या सर्व्हिस रोडवर दुचाकी आणि कारमध्ये झालेल्या अपघातात चार जण जखमी झाल्याची घटना शुक्रवारी सकाळी सुमारे ११.१५ वाजण्याच्या सुमारास घडली.

मिळालेल्या माहितीनुसार, मुंबईतील भांडुप येथून राजापूरच्या दिशेने जात असलेल्या कार चालकाचा ताबा सुटल्याने पुढे चाललेल्या दुचाकीला पाठीमागून जोरदार धडक बसली. धडकेनंतर कार रस्त्याच्या कडेला जाऊन भिंतीवर आदळली.

या अपघातात जखमी झालेल्यांमध्ये:

शीला राजाराम दळवी (७४)

सदानंद गणपत दळवी (६५)

गिरीश राजाराम दळवी (४५) — (सर्व रा. भांडुप, मुंबई)

दीपक अनंत गोवळकर (३१, रा. वेरळ, ता. खेड)

यांचा समावेश आहे.

जखमींना तातडीने उपचारासाठी रुग्णालयात दाखल करण्यात आले असून त्यांच्यावर उपचार सुरू आहेत. या अपघाताची पुढील तपासणी पोलिसांकडून सुरू आहे.