भजन मंडळ / गायक:
“नामवंत गायक व भजन मंडळाचे सादरीकरण, भक्तांचा उत्साह वाढवत”

चिपळूण, प्रतिनिधी:

रत्नागिरी जिल्ह्यातील ता. चिपळूण येथील कोळकेवाडी (कुंभारवाडी) येथील श्री हनुमान मंदिरात वै. गुरुवर्य भिकाजी महाराज शिंदे, वै. गुरुवर्य रामचंद्र महाराज साळवी आणि वै. गणपत सावरटकर यांच्या कृपा छत्राखाली अखंड हरिनाम सप्ताहाचे आयोजन करण्यात आले आहे.

मागील पन्नास वर्षांपासून चालत आलेल्या या सप्ताहाला भक्तांचा उत्स्फूर्त प्रतिसाद मिळत असून पंचक्रोशी परिसरात धार्मिक व भक्तीमय वातावरण निर्माण झाले आहे. सप्ताहाची सुरुवात विविध धार्मिक विधींनी होते, आणि दररोज सकाळी काकडा आरती, सायंकाळी हरिपाठ व प्रवचन, तसेच रात्रौ नामवंत कीर्तनकारांचे हरीकीर्तन आयोजित केले जाते.

या वर्षी अनेक मान्यवर कीर्तनकार, प्रवचनकार आणि भजन मंडळे सहभागी होत असून भक्तांना अध्यात्मिक मार्गदर्शन मिळत आहे. दर वर्षी महाप्रसादाचे आयोजनही करण्यात येते, आणि या वर्षी गावातील ग्रामस्थ, संत आणि भक्तजण स्व:ईच्छेने महाप्रसाद देणार आहेत.

सप्ताहात संध्याकाळी हरिपाठ, कीर्तन आणि भजन आयोजित आहेत. तसेच तरुण मंडळाचे भजनी भारूड व नमन, प्रापंचिक आख्यान तसेच मराठी गाण्यांचा विशेष कार्यक्रम प्रा. राजेंद्र साळवी व मित्र परिवाराद्वारे सादर केला जाणार आहे.

विशेष म्हणजे, गुरुवार, २ एप्रिल २०२६ रोजी पहाटे श्री हनुमान जन्मोत्सव साजरा केला जाणार असून, अरुण महाराज कुंभार यांच्या कीर्तनासह विशेष पूजा विधी आयोजित करण्यात आले आहेत.

अखंड हरिनाम सप्ताहात खालील नामवंत उपस्थित राहणार आहेत:

हरिकीर्तन: श्री. काशिनाथ महाराज कदम, सौ. श्रद्धा ताई पाथरे, श्री. दिपक महाराज साळवी, श्री. राजाराम महाराज गाडे, श्री. जय महाराज तुळसणकर, सौ. मुक्तताई आखाडे, श्री. मनीष महाराज चव्हाण, श्री. राजेंद्र महाराज भुवड

अध्यात्मिक प्रवचन: श्री. सिताराम महाराज सावरटकर, श्री. बजरंग महाराज, श्री. चंद्रकांत महाराज मांडवकर, श्री. आदिनाथ महाराज खापरे, श्री. सुरेश महाराज देवरुखकर, श्री. सुरज महाराज टेरवकर

संगीत व भजन: अनेक नामवंत गायक, मृदंगमणी

धार्मिक सप्ताहामुळे परिसरात भक्ती, एकता आणि सांस्कृतिक जाणीवा वृद्धिंगत होत असून आयोजकांनी सर्व भाविकांना मोठ्या संख्येने उपस्थित राहून कार्यक्रमाचा लाभ घेण्याचे आवाहन केले आहे.