नागपूर, दि. 9 एप्रिल 2026:

शेतकऱ्यांना जमीन मोजणीसाठी पूर्वी दहा ते बारा हजार रुपयांचा खर्च करावा लागत होता. मात्र आता महसूल मंत्री चंद्रशेखर बावनकुळे यांच्या निर्णयानुसार ही प्रक्रिया केवळ १ हजार रुपयांत संपूर्ण केली जाईल.

नागपूर विमानतळ येथे प्रसारमाध्यमांशी बोलताना त्यांनी सांगितले की, खासगी भूमापकांना परवानगी देण्यात आली असून, जिल्हाधिकाऱ्यांमार्फत त्यांची नियुक्ती केली जाईल. सरकारी भूमापक त्यांना प्रमाणित करतील. त्यामुळे सध्या ६० दिवस लागणारी मोजणी प्रक्रिया पुढील दीड वर्षात फक्त १५ दिवसांत पूर्ण होऊ शकेल, असा विश्वास त्यांनी व्यक्त केला.

मोजणीनंतर खरेदीखत व म्युटेशन प्रक्रिया पूर्ण केल्यास भविष्यातील वाद टाळता येतील, असेही महसूल मंत्री यांनी नमूद केले.

हा निर्णय शेतकऱ्यांसाठी कमी खर्चात, जलद आणि सुलभ जमीन मोजणी करण्यास मोठा मार्गदर्शक ठरणार आहे.