दापोली : दापोली तालुक्यातील आंबेडकर भवन येथे आयोजित कार्यक्रमात बाळासाहेब आंबेडकर यांच्या प्रमुख उपस्थितीत वंचित बहुजन आघाडी विधानसभा दापोलीमध्ये सामाजिक, राजकीय व शैक्षणिक क्षेत्रात कार्यरत असलेले आद. सुरेशजी मोरे साहेब, आद. विजयजी पवार साहेब आणि त्यांच्या संपूर्ण टीमचा जाहीर पक्षप्रवेश पार पडला.

या पक्षप्रवेश सोहळ्यात वंचित बहुजन आघाडी विधानसभा दापोली तालुका व जिल्ह्यातील पदाधिकारी मोठ्या संख्येने उपस्थित होते. तसेच जिल्ह्याचे निरीक्षक सन्मा. सुशीमजी सकपाळ साहेब आणि निरीक्षक सन्मा. सुदर्शनजी सकपाळ साहेब यांनीही उपस्थित राहून नव्याने पक्षात प्रवेश करणाऱ्या पदाधिकारी व कार्यकर्त्यांचे स्वागत केले.

या प्रसंगी पक्षात प्रवेश केलेल्या सर्व पदाधिकारी व कार्यकर्त्यांचे वंचित बहुजन आघाडी विधानसभा दापोलीच्या वतीने हार्दिक स्वागत करण्यात आले. आगामी काळात सर्वांनी एकत्रितपणे काम करून बाळासाहेब आंबेडकर यांच्या विचारांचा प्रसार करत दापोली तालुका वंचित बहुजन आघाडीच्या विचारांनी बळकट करण्याचा संकल्प व्यक्त करण्यात आला.

कार्यक्रमात उपस्थित मान्यवरांनी पक्ष संघटना अधिक मजबूत करण्यासाठी सर्व कार्यकर्त्यांनी जबाबदारीने काम करण्याचे आवाहन केले. या पक्षप्रवेशामुळे दापोली तालुक्यात वंचित बहुजन आघाडीची संघटनात्मक ताकद वाढण्यास मदत होणार असल्याची भावना कार्यकर्त्यांनी व्यक्त केली.

— प्रथमेश प्रभाकर जाधव

महासचिव, वंचित बहुजन आघाडी विधानसभा दापोली

(विद्या वंदा न्यूज साप्ताहिक)