गुहागर (प्रतिनिधी – मंगेश जाधव) – गुरुवार, दिनांक ५ मार्च २०२६ रोजी गुहागर तालुक्यातील कुटगिरी गावठण वाडीमध्ये ग्रामदेवतेच्या पालखी आगमनानिमित्त श्री चंडीकाई देवी पालखी नृत्य पथक मळण यांच्या आयोजनेत पालखी नृत्य कार्यक्रम मोठ्या उत्साहात पार पडला.

या कार्यक्रमाला गावठण वाडीतील युवा, महिला मंडळ तसेच लहान व मोठ्या मंडळींनी सक्रिय सहभाग दर्शविला. सर्व नागरिकांच्या उपस्थितीमुळे कार्यक्रमाची शोभा आणखी वाढली.

गावठण तरुण विकास मंडळाचे वाडी अध्यक्ष भाई खेतले यांनी सर्व सहभागी, आयोजक आणि नागरिकांचे आभार मानले, तसेच या प्रकारच्या सांस्कृतिक उपक्रमांनी स्थानिक परंपरा आणि सामुदायिक एकात्मता वाढविण्यात मोठा हातभार लागल्याचे सांगितले.

🌸✨ “परंपरा जपणे आणि युवा पिढीला सांस्कृतिक कार्यक्रमांत सहभागी करणे ही गावाच्या संस्कृतीसाठी खूप महत्त्वाची बाब आहे.”