मुंबई :- भाजपचे ज्येष्ठ नेते आणि माजी केंद्रीय मंत्री Raosaheb Danve यांनी विरोधकांवर जोरदार टीका करताना Sanjay Raut, Uddhav Thackeray आणि Rahul Gandhi यांच्यावर निशाणा साधला आहे.

दानवे म्हणाले की, “संजय राऊत, उद्धव ठाकरे किंवा राहुल गांधी हे सगळे एकाच रंगात डूबलेले आहेत. ते हिरव्या रंगात गुरफटलेले आहेत. त्यामुळे आता त्यांना कोणता रंग घ्यावा हेच समजत नाही.” त्यांच्या या वक्तव्यामुळे राज्याच्या राजकारणात पुन्हा एकदा चर्चांना उधाण आले आहे.

राजकीय विरोधकांवर टीका करताना दानवे यांनी विरोधी पक्षांच्या भूमिकेवर प्रश्नचिन्ह उपस्थित केले. विरोधक सत्ताधारी पक्षावर सातत्याने टीका करत असले तरी त्यांच्या भूमिकेत स्पष्टता नसल्याचा आरोप त्यांनी केला.

दानवे यांच्या या वक्तव्यावर विरोधी पक्षांकडून काय प्रतिक्रिया येते याकडे आता राजकीय वर्तुळाचे लक्ष लागले आहे.