दापोली (वार्ताहर): केंद्र सरकारच्या चुकीच्या आर्थिक धोरणांमुळे दिवसेंदिवस वाढत चाललेल्या महागाईमुळे सर्वसामान्य नागरिकांचे जगणे कठीण झाले आहे. विशेषतः घरगुती गॅस सिलेंडरच्या वाढलेल्या दरामुळे महिला व कुटुंबांवर मोठा आर्थिक भार पडत असल्याचा आरोप करत दापोली तालुका काँग्रेस पक्षाच्या वतीने आज दापोलीच्या तहसीलदारांना निवेदन देण्यात आले.

महाराष्ट्र प्रदेश काँग्रेसचे अध्यक्ष हर्षवर्धन सपकाळ यांच्या आदेशानुसार व जिल्हाध्यक्ष सोनललक्ष्मी घाग यांच्या मार्गदर्शनाखाली तसेच दापोली तालुका काँग्रेसचे अध्यक्ष मंगेश मोरे यांच्या पुढाकाराने हा निषेध नोंदवण्यात आला. यावेळी वाढती महागाई आणि घरगुती गॅस दरवाढ तात्काळ कमी करण्याची मागणी करण्यात आली.

या प्रसंगी दापोली तालुका काँग्रेसचे पदाधिकारी व कार्यकर्ते मोठ्या संख्येने उपस्थित होते. यामध्ये तालुका अध्यक्ष मंगेश मोरे, उपाध्यक्ष श्रीकांत मुंगशे, जिल्हा उपाध्यक्ष सिराज रखांगे, ओबीसी सेलचे प्रदेश चिटणीस संजय गुरव, तालुका उपाध्यक्ष सुभाष पवार, रऊफ काझी, कुतबुद्दीन बर्डे, शहर उपाध्यक्ष रियाज तळघरकर, प्रियदर्शन बेलोसे, महिला पदाधिकारी पूजा जालगावकर, प्रकाश मंडपे आदी पदाधिकारी व कार्यकर्ते उपस्थित होते.

वाढती महागाई नियंत्रणात आणावी तसेच घरगुती गॅस सिलेंडरचे दर तात्काळ कमी करावेत, अशी मागणी या निवेदनाद्वारे करण्यात आ

ली.