दापोली (प्रतिनिधी): वंचित बहुजन आघाडी, तालुका दापोली यांची जनरल सभा रविवार दिनांक ८ मार्च २०२६ रोजी उत्साहात पार पडली. या सभेमध्ये पक्षात नव्याने प्रवेश केलेल्या मान्यवरांचे स्वागत करण्यात आले तसेच दापोली तालुक्यासाठी नवीन कार्यकारणी जाहीर करण्यात आली.
सभेमध्ये सर्वानुमते अतिश तुळशीराम घाडगे (भोमडी) यांची तालुका अध्यक्षपदी निवड करण्यात आली. तसेच तालुका कार्यकारणीत विविध पदांवर पदाधिकाऱ्यांची निवड करून संघटनात्मक बळकटी देण्याचा निर्णय घेण्यात आला.
उपाध्यक्षपदी पवन विजय धोत्रे (वणंद), सुशील मधुकर मोरे (आसूद), प्रभाकर सुडकोजी येलवे (अगरवायंगणी), वाईद दाऊद ऐनरकर (मुरुड) आणि रुपेश गोकुळ मर्चंडे (रुखी) यांची निवड करण्यात आली.
तालुका महासचिवपदी सुरेश धोंडू मोरे (हर्णे), तर सहसचिवपदी प्रथमेश प्रभाकर जाधव (देहेण) यांची निवड झाली. कोषाध्यक्षपदी विशाल मनोहर आयरे (दापोली) यांची नियुक्ती करण्यात आली.
तसेच तालुका पक्ष प्रवक्ता म्हणून विजय सुदाम पवार (दापोली), तालुका संपर्क प्रमुख म्हणून सुरेश दत्ताराम चाफे (अडखळ) यांची निवड झाली.
तालुका संघटक म्हणून विरेंद्र विलास मोरे (आसूद), निलेश विठ्ठल रूके (कर्दे), महेश मोहन मर्चंडे (सोंडेघर), अमोल गोपाळ धोत्रे (वणंद), दिलीप सजन जाधव (खेर्डी), मनोज लक्ष्मण तांबे (पंचनदी), जयप्रकाश गुप्ता (दापोली) आणि तौफीक सिद्दिकी (दापोली) यांची निवड करण्यात आली.
याशिवाय प्रमुख सल्लागार म्हणून मधुकर तानाजी मर्चंडे (माटवण) तर सल्लागार म्हणून अशोक भार्गव येलवे (गिम्हवणे), तानाजी सुडकाजी जाधव (पाचवली), रमेश बाबू कांबळे (माटवण) आणि शांताराम रावजी जाधव यांची नियुक्ती करण्यात आली. प्रसिद्धी प्रमुखपदी मनोज गौतम तांबे (देहेण) यांची निवड करण्यात आली.
या सभेत पक्ष संघटना मजबूत करण्यासाठी सर्व पदाधिकाऱ्यांनी एकत्रितपणे काम करण्याचा निर्धार व्यक्त केला. नव्याने निवड झालेल्या पदाधिकाऱ्यांचे विविध स्तरातून अभिनंदन करण्यात येत आहे.