दापोली – युवा मोरया सामाजिक संस्था ने दापोली येथील आनंद फाउंडेशन संचालित बहुविकलांग गतिमंद मुलांचे शिक्षण व पुनर्वसन केंद्र येथे “मायेची ऊब” या संकल्पनेतून एक प्रेरणादायी सेवा उपक्रम राबविला.

या कार्यक्रमांतर्गत बहुविकलांग मुलांना ब्लँकेट आणि खाऊ वाटप करण्यात आले, तसेच मुलांसोबत आनंदाचे क्षण घालवण्याची संधी मिळाली. मुलांच्या निरागस हास्यातून आनंद अनुभवताना संस्था कार्यकर्त्यांना मोठे समाधान झाले.

हा उपक्रम श्री सुरेश पाटील गुरुजी यांच्या मार्गदर्शनाखाली पार पडला, तर आनंद फाउंडेशनच्या संस्थापक रेखा बागुल मॅडम आणि महेश्वरी मॅडम यांनी अत्यंत प्रामाणिकपणे आणि प्रेमाने मुलांची काळजी घेतली. कार्यक्रमात भाऊ विक्रांत यांनी अतिशय सुंदर गीत सादर करून उपस्थित सर्वांच्या चेहऱ्यावर हसरेपणा आणला.

सेवा उपक्रम युवा मोरया सामाजिक संस्थेचे सदस्य संजोग शेडगे व मुकेश नांदे यांच्या विशेष संकल्पनेतून राबविण्यात आला.

युवा मोरया सामाजिक संस्था सतत समाजासाठी प्रेरणादायी व वेगळे कार्य करत आली आहे. संस्थेच्या म्हणण्यानुसार, “आपल्या सर्वांच्या आशीर्वाद आणि सहकार्यामुळेच हे सेवा कार्य शक्य झाले असून, पुढेही समाजासाठी असेच सेवा उपक्रम राबवणे हीच युवा मोरयाची खरी ओळख आहे.” 🙏❤️