मुंबई / राज्यभर: राज्याच्या अनेक भागात हवामानात बदल जाणवत असून, पुढील आठवडाभर अंशतः ढगाळ हवामान राहण्याची शक्यता आहे. विशेषतः दक्षिण महाराष्ट्र आणि मराठवाडा येथे वादळी पावसाचा इशारा देण्यात आला आहे.

मुख्यमंत्री देवेंद्र फडणवीस यांनी ट्विटद्वारे शेतकऱ्यांना खबरदारी घेण्याचे आवाहन केले आहे. हवामान विभागाच्या माहितीनुसार, राज्याच्या दक्षिण भागात दुपारनंतर वादळी पावसाची शक्यता आहे. या बदलाचा सर्वाधिक फटका ३० आणि ३१ मार्च दरम्यान दिसण्याची शक्यता आहे. या कालावधीत खानदेश, मराठवाडा, पश्चिम विदर्भ आणि मध्य महाराष्ट्र मध्ये मेघगर्जना, वेगवान वारे आणि काही ठिकाणी गारपीट होण्याची शक्यता आहे.

राज्यात रब्बी हंगामातील पिकांची काढणी अंतिम टप्प्यात असताना निसर्गाचा हा लहरीपणा शेतकऱ्यांसाठी चिंतेचा विषय ठरत आहे. त्यामुळे मुख्यमंत्री फडणवीस यांनी शेतकऱ्यांना सतर्क राहण्याचा सल्ला दिला आहे. त्यांनी म्हटले आहे:

“शेतकऱ्यांनी हवामानाच्या अद्ययावत अंदाजाकडे लक्ष ठेवावे, काढणी केलेली रब्बी पिके सुरक्षित ठिकाणी हलवावीत आणि कृषी विभागाच्या सूचनांचे पालन करून आवश्यक खबरदारी घ्यावी.”

शेतकऱ्यांसाठी महत्त्वाच्या सूचना:

कापणी केलेले धान्य सुरक्षित ठिकाणी साठवावे किंवा ताडपत्रीने झाकून ठेवावे.

बाजार समितीत विक्रीसाठी आणलेला माल भिजणार नाही, याची दक्षता घ्यावी.