दापोली (प्रतिनिधी) : तालुक्यातील करंजणी येथील दर्भाचीवाडीमध्ये एका वृद्ध महिलेचा संशयास्पद मृत्यू झाल्याची घटना समोर आली आहे. सुलोचना श्रीपत सावंत (वय ८१, रा. करंजणी-दर्भाचीवाडी, ता. दापोली) असे मृत महिलेचे नाव आहे.

मिळालेल्या माहितीनुसार, दि. २७ मार्च २०२६ रोजी सकाळी सुमारे १०.३० वाजण्याच्या सुमारास ही घटना उघडकीस आली. संबंधित महिला आपल्या घरात झोपलेल्या अवस्थेत आढळून आली. मात्र, बराच वेळ कोणतीही हालचाल दिसून न आल्याने शेजाऱ्यांनी पाहणी केली असता त्या बेशुद्ध अवस्थेत असल्याचे निदर्शनास आले. त्यानंतर तात्काळ दापोली पोलिसांना याची माहिती देण्यात आली.

घटनास्थळी पोलिसांनी भेट देऊन पंचनामा केला असून मृत्यूचे नेमके कारण अद्याप स्पष्ट झालेले नाही. मृतदेहाचा पोस्टमार्टेम अहवाल प्राप्त झाल्यानंतरच मृत्यूचे कारण समोर येणार असल्याचे पोलिसांकडून सांगण्यात आले.

या प्रकरणी दापोली पोलिस ठाण्यात नोंद करण्यात आली असून पुढील तपास पोलीस उपनिरीक्षक श्री. पाटील यांच्या मार्गदर्शनाखाली सुरू आहे