दापोलीतील मेंहदळे गॅस एजन्सीमध्ये ग्राहक त्रस्त; ब्लॅकमध्ये सिलेंडर विक्रीचे गंभीर आरोप समोर आलेदापोली (प्रतिनिधी – सुदेश सुरेश तांबे):

दापोली तालुक्यातील मेंहदळे गॅस फॅमिली मार्फत गॅस वितरणात गंभीर अनियमितता समोर आली असून, ग्राहकांना मोठा त्रास सहन करावा लागत आहे.

सुरेखा सुरेश तांबे यांच्या नावावर असलेल्या गॅस कनेक्शनसाठी फेब्रुवारी महिन्यात सिलेंडर घेतल्यानंतर, मार्च महिन्यात १९ तारखेला गॅस बुक करण्याचा प्रयत्न करण्यात आला. मात्र, त्या दिवशी बुकिंग करताच सिस्टमने पुढील तारीख वाढवून दाखवली, ज्यामुळे ग्राहकाला बुकिंग करता आले नाही.

यानंतर काही दिवस प्रतीक्षा करून २८ मार्च रोजी मोबाईल अ‍ॅपद्वारे बुकिंग यशस्वी झाले व ओटीपीही प्राप्त झाला. तरीही, गॅस एजन्सीमध्ये “सिलेंडर साठा उपलब्ध नाही” असा फलक लावण्यात आल्याचे निदर्शनास आले.

आज सकाळी १० वाजता पत्रकार सुदेश सुरेश तांबे व त्यांची आई एजन्सीत गेले असता, एका कर्मचाऱ्याने त्यांना आत जाण्यापासून रोखले. शांतपणे विचारणा करूनही संबंधित कर्मचाऱ्याने उद्धटपणे “आमच्याशी नाही, सरकारशी भांडण करा” असे उत्तर दिले.

दरम्यान, घरातील गॅस संपत आल्यामुळे स्वयंपाकासाठी मोठ्या अडचणी निर्माण झाल्या असून, कुटुंबीयांना त्रास सहन करावा लागत आहे.

⚠️ धक्कादायक आरोप – ब्लॅकमध्ये सिलेंडर विक्री!

संबंधित ग्राहकाची आई काळकाई कोंड येथे कामासाठी जात असून, तिच्या नजरेसमोर काही व्यक्तींना सुमारे १५०० रुपयांना ब्लॅकने गॅस सिलेंडर दिला जात असल्याचा गंभीर आरोप करण्यात आला आहे.

जर हा प्रकार खरा असेल, तर सामान्य ग्राहकांना वंचित ठेवून जादा दराने सिलेंडर विक्री होत असल्याची शक्यता नाकारता येत नाही.

⚠️ गंभीर प्रश्न:

१९ तारखेला बुकिंग करताना तारीख का वाढवली गेली?

ग्राहकांना वेळेत गॅस मिळत नाही, याला जबाबदार कोण?

साठा नसताना बुकिंग स्वीकारले जाते का?

ब्लॅकमध्ये सिलेंडर विक्री होत आहे का?

ग्राहकांशी उद्धट वागणूक देणाऱ्या कर्मचाऱ्यांवर कारवाई होणार का?

📢 प्रशासनाला आवाहन:

या प्रकरणाची तात्काळ चौकशी करून ब्लॅक मार्केटिंगचा तपास करावा, संबंधित ग्राहकाला त्वरित गॅस सिलेंडर उपलब्ध करून द्यावा, तसेच दोषींवर कठोर कारवाई करावी.