मुंबई (प्रतिनिधी)

भारतीय संगीतविश्वाला मोठा धक्का बसला असून ज्येष्ठ पार्श्वगायिका आशा भोसले यांचे रविवारी (१२ एप्रिल २०२६) निधन झाले. त्या ९२ वर्षांच्या होत्या. त्यांच्या निधनाची माहिती कुटुंबीयांनी दिली असून संपूर्ण देशभरातून शोक व्यक्त केला जात आहे.

मुंबईतील रुग्णालयात उपचारादरम्यान त्यांनी अखेरचा श्वास घेतला. गेल्या काही दिवसांपासून त्या आजारी होत्या.

Navbharat Times

आशा भोसले यांनी तब्बल आठ दशकांच्या कारकिर्दीत हजारो गाणी गात भारतीय संगीताला नवे आयाम दिले. त्यांच्या बहुआयामी आवाजामुळे त्या ‘सूरसम्राज्ञी’ म्हणून ओळखल्या जात होत्या. हिंदी, मराठीसह विविध भाषांतील त्यांच्या गाण्यांनी पिढ्यानपिढ्या रसिकांच्या मनावर अधिराज्य गाजवले.

त्यांच्या निधनामुळे संपूर्ण देशभरातून शोक व्यक्त होत असून पंतप्रधानांसह अनेक मान्यवरांनी श्रद्धांजली अर्पण केली आहे.

 

दरम्यान, त्यांचे अंतिम दर्शन आणि अंत्यसंस्कार मुंबईतील शिवाजी पार्क स्मशानभूमी येथे सोमवारी (१३ एप्रिल) सायंकाळी ४ वाजता पार पडणार आहेत, अशी माहिती कुटुंबीयांनी दिली आहे.