गुहागर | प्रतिनिधी

गुहागर तालुक्यातील उमराठ येथे डॉ. बाबासाहेब आंबेडकर यांची १३५ वी जयंती दिनांक १४ एप्रिल २०२६ रोजी अत्यंत उत्साहात साजरी करण्यात आली.

कार्यक्रमाची सुरुवात ग्रामपंचायत उमराठ येथे करण्यात आली. यावेळी ग्रामपंचायत प्रशासक श्री. जनार्दन पांडुरंग आंबेकर यांच्या हस्ते बाबासाहेबांच्या प्रतिमेला पुष्पहार अर्पण करण्यात आला, तर पंचायत समिती सदस्य श्री. संदीप गोरीवले यांनी प्रतिमेचे पूजन केले. या प्रसंगी गावातील मान्यवर नागरिक मोठ्या संख्येने उपस्थित होते.

यानंतर उमराठ शाळा नं. १ येथे जयंती उत्सव साजरा करण्यात आला. विविध मान्यवरांच्या उपस्थितीत दीपप्रज्वलन व पूजन करण्यात आले. इयत्ता पहिली ते सातवीपर्यंतच्या विद्यार्थ्यांनी बाबासाहेबांच्या जीवनकार्यावर प्रभावी भाषणे सादर केली. मुख्याध्यापक वैभव वासावे सर व अभिजित नागरगोजे सर यांनी विद्यार्थ्यांना मार्गदर्शन करताना बाबासाहेबांच्या अष्टपैलू कार्याचा आढावा घेतला.

यानंतर कदमवाडी येथील बौद्धविहारात जयंती कार्यक्रम पार पडला. येथे गौतम बुद्ध व बाबासाहेबांच्या प्रतिमांचे पूजन करण्यात आले.

🎤 वकृत्व स्पर्धांचे आयोजन

समता सप्ताहानिमित्त ग्रामपंचायत उमराठतर्फे शाळा नं. १ व नं. ३ मधील विद्यार्थ्यांसाठी वकृत्व स्पर्धा आयोजित करण्यात आल्या. स्पर्धा दोन गटांत पार पडल्या:

गट १: इयत्ता १ ली ते ४ थी

गट २: इयत्ता ५ वी ते ७ वी

स्पर्धेचे परीक्षण मुख्याध्यापक वैभव वासावे, सुगंधा कदम व समुदाय आरोग्य अधिकारी प्रिया उरकुडे यांनी केले.

🏆 स्पर्धेचे निकाल

गट १:

प्रथम: परी कदम (शाळा नं. १)

द्वितीय: मुग्धा गावणंग (शाळा नं. ३)

तृतीय: प्रणय गावणंग (शाळा नं. ३)

गट २:

प्रथम: तन्वी पवार

द्वितीय: सुशांत कदम

तृतीय: श्रेयस गावणंग

यानंतर विजेत्यांना बक्षीस वितरण करण्यात आले तसेच सर्व सहभागी विद्यार्थ्यांना भेटवस्तू देण्यात आल्या.

कार्यक्रमाचे सूत्रसंचालन प्रशांत कदम यांनी केले. कदमवाडी बौद्धविहारातील कार्यक्रमाचे उत्कृष्ट नियोजन केल्याबद्दल बौद्धजन विकास मंडळाचे पदाधिकारी, कार्यकर्ते व महिला भगिनींचे ग्रामपंचायत प्रशासक जनार्दन आंबेकर यांनी कौतुक केले.

शेवटी सर्व उपस्थितांचे आभार मानून कार्यक्रमाची सांगता करण्यात आली.

✍️ संपर्क:

जनार्दन आंबेकर (प्रशासक, ग्रामपंचायत उमराठ)

📞 मोबाईल: ८७६७४३३८४०