रत्नागिरी (प्रतिनिधी) :

शहराच्या मध्यवर्ती भागात उभी असलेली Ratnagiri Municipal Council ची सुमारे ५५ वर्षे जुनी प्रशासकीय इमारत जीर्ण झाल्याने तिच्या निर्लेखनाचे काम सध्या वेगाने सुरू आहे. गुरुवारी या इमारतीचा एक भाग पूर्णपणे पाडण्यात आला.

ही इमारत १९७१ साली बांधण्यात आली होती. १६ मे १९७१ रोजी तत्कालीन खासदार Shamrao Peje यांच्या हस्ते या वास्तूचे उद्घाटन झाले होते. गेल्या अनेक दशकांपासून या ठिकाणी नगर परिषदेचा कारभार सुरू होता. मात्र, कालांतराने इमारत जीर्ण झाल्याने आणि बांधकामाचे काही भाग ढासळू लागल्याने ती पाडण्याचा निर्णय घेण्यात आला.

नवीन प्रशासकीय इमारतीत सर्व कागदपत्रे आणि साहित्य हलविण्यात आल्यानंतर आता जुन्या इमारतीचे निर्लेखन सुरू करण्यात आले आहे. जेसीबीच्या साहाय्याने गुरुवारी सायंकाळपर्यंत इमारतीचा मोठा भाग जमीनदोस्त करण्यात आला असून, त्या ठिकाणी मातीचा ढिगारा साचलेला दिसत आहे. लवकरच संपूर्ण इमारत पाडून जागेचे सपाटीकरण केले जाणार आहे.

दरम्यान, जुन्या इमारतीच्या मागील बाजूस नव्या प्रशासकीय इमारतीचे बांधकाम पूर्ण झाले असून, १ मे रोजी पालकमंत्री Uday Samant यांच्या हस्ते या इमारतीचे लोकार्पण होणार आहे. त्यापूर्वी जुनी इमारत पूर्णपणे हटवण्याचे काम अंतिम टप्प्यात आले आहे.